汤洛雯强晒幸福，马国明敷衍回应，高龄产妇搭半百老人，扮蜜月应付网友

最近“靓汤”汤洛雯又晒幸福

网友隔住屏幕都feel到

佢哋浓浓嘅甜蜜味道

不久前靓汤生日

马国明就准备咗

一连串嘅生日惊喜俾佢

靓汤开心到晕

大呼“马明变咗！”

之后一段时间

马明就北上揾食

留太太一个人喺香港啦

“靓汤”一个人都可以尽兴

逛公园踩单车

但因为太relax、搞到肚凸凸

令大家以为佢已经有喜

出活动嘅时候

佢即刻就澄清

话係自己食多咗又冇就角度

其实依然係纤腰平肚好身材

再追问造人进度

靓汤就一面娇羞

话呢啲私人嘢唔好攞出嚟讲哦

▓▓▓▓▓▓▓▓▓▓▓░░░░努力加载中……

关注佢哋嘅朋友仔应该都注意到

靓汤&马明嘅婚礼喺海外搞嘅

婚礼后两人就冇再一起出游

靓汤约过姊姊妹妹出埠

睇嚟两人仲未honey moon

加上婚礼之后

马生就密锣紧鼓

连番上几部剧嘅宣传活动

非常之忙碌

啲剧连住煲咗几部之后

马明又官宣新嘢

即刻跟剧组北上拍戏

网友见到佢咁搏杀

应该就係为屋企做贡献

落实“富养老婆”嘅承诺啦

靓汤又真係唔忧柴米

睇展孭名牌手袋

被人影到话佢大花洒添

同时大家亦睇到

佢哋咁聚少离多

边有时间制造小baby哦

今铺靓汤晒靓晒甜

看似係两人sweet出行

要补翻honey moon咁话

查实睇完成条视频

大家就会发现

佢哋係去参加朋友嘅婚礼

靓汤同马明专登穿情侣装

连发色都染埋同一个色系

合照嘅时候

佢哋特意嘟嘴锡锡

just蜻蜓点水

就已经足够sweet

靓汤又故意胸袭

马明好配合太太

既娇羞又自豪咁贴埋去

佢哋仲去水底餐厅撑枱脚

有好多水鱼陪住佢哋开饭

马明个点赞就显得有啲敷衍啦

//////////

话晒都係佢哋婚后

第一次一起去旅行

虽然只係帮人哋赠庆

但都叹咗下舒适豪华嘅酒店

早前

马明接拍《巨塔之后》

要去佛山拍剧

虽则佢个角色just客串

好快就完成任务翻香港啦

不过据闻《新闻女王2》

下半年就要开波

马明应该又要闭关拍剧

网友都戥佢哋心急好耐

事关马明已经年过半百

靓汤亦到咗高龄产妇嘅年纪

究竟小马OR小汤

几时先有声气呢

网友在线催生都冇用

都係要等当事人

有心又有力嘅时候

先会有机会啦